#Raashiyaan haleellaa Ameerikaan Veenzuweelaa irratti haleellaa fi hidhamuu Maaduroo cimsitee mormite .Tiraapi akkana ja’ee ❝…Itti aansee Veenzuweelaa eenyu akka hoogganu ni murteessina; veenzuweelaa ammaf nutu bulcha , hanga hoganaa ummanni ofo barbaade arkatuttii. Nutu muree murteessa .❞ Donald Trump, Raashiyaan haleellaa waraanaa Ameerikaa kan pirezidaant Niikoolaas Maaduroo qabamuuf sababa ta’e cimsitee qeeqaa kan jirtu yoo ta’u, deebii kanaafis walgahii hatattamaa Mana Maree Nageenyaa Dhaabbata Mootummoota Gamtoomanii akka gaggeeffamu waamicha dhiyeessiteetti.Ministeerri Dhimma Alaa Raashiyaa ibsa har’a ganama baaseen, Ameerikaan haleellaa hidhannoo Veenzuweelaa irratti raawwatte, kunis yaaddoo fi balaaleffannaa guddaa kan uume ta’uu ibseera. Tarkaanfii kanaaf sababoonni dhiyaatan, kan aangawoonni biyyattii waggoota shaniif waraana Yukireen keessa seenuu ishee hordofuun barreessan, bu’uura kan hin qabne ta’uu ibsameera.Hariiroo ogummaa fi wal amantaa qabatamaa irratti hundaa’e ijaaruu mannaa jibbi ilaalchaa akka mo’atu dubbataniiru. Michuu ijoo sirna Maaduroo kan taate Raashiyaan, walitti bu’iinsa dabalataa ittisuu fi furmaata mariin barbaaduu irratti xiyyeeffachuun murteessaa ta’uu ibsiteetti.Ministirri kun itti dabaluudhaan, qaamotni komii waliif qaban hundi marii irratti hundaa’e furmaata barbaaduu akka qaban hubannoo bu’uura godhachuun, deeggarsa taasisuuf qophii ta’uu ibsaniiru.Laatiin Ameerikaan akkuma bara 2014 of labsite naannoo nagaa taatee turuu qabdi.Veenzuweelaa gidduu seensaa alaa tokko malee, keessumaa gidduu seensaa waraanaa malee, hiree ishee murteessuuf mirga ishee mirkanaa’uu qabdi. Ummata Veenzuweelaa waliin tumsa qabnuu fi mala hoggansi Booliivaariyaa dantaa fi abbaa biyyummaa biyyattii eeguuf kaayyeffate ni deggerra jechuun barreessaniiru.Raashiyaan Imbaasiin ishee magaalaa guddoo Veenzuweelaa Karaakaas keessatti argamu akka idileetti hojjechaa akka turee fi lammiilee Raashiyaa kamiyyuu miidhamuu isaanii odeeffannoo akka hin qabne ibsiteetti.Abbaan Alangaa Waliigalaa Ameerikaa Paam Boondiin akka jedhanitti, Maaduroon shira shororkeessummaa qoricha sammuu namaa hadoochu raawwachuu, kookeenii tiraafikaa irratti shira xaxuu, qawwee maashinii fi meeshaa waraanaa jumlaa qabachuu, akkasumas Ameerikaa irratti haleellaa raawwachuuf qawwee maashinii fi meeshaa waraanaa jumlaa qabachuuf shira xaxuun himatame.”Yeroo dhiyootti manneen murtii Ameerikaa dachee Ameerikaa irratti dheekkamsa haqaa Ameerikaa isaan mudata,” jechuun Boondiin fuula miidiyaa hawaasaa isaa X irratti barreesse.Bara 2013 irraa eegalee Veenzuweelaa keessatti aangoo kan qaban Maduroon ibsa Ministeera Komunikeeshinii Veenzuweelaa baaseen, humnoonni hawaasummaa fi siyaasaa biyyattii hundi weerara Ameerikaa akka balaaleffatanii fi karoora sochii isaanii akka hojiirra oolchan waamicha labsii yeroo hatattamaa mallatteessuu isaanii ibsaniiru.Maduuroon qabamuun isaa erga daddabarsa qoricha sammuu namaa hadoochuu fi boba’aa irratti Ameerikaa waliin mari’achuuf qophii ta’uu erga dubbatee guyyoota muraasa booda. Maaduroo fi Tiraamp baatii Adoolessaa keessa bilbilaan dubbataniiru. Haleellaan kun waldhabdee Ameerikaa fi Raashiyaa kan waraana Raashiyaa fi Yukireen xumuruuf hojjechaa jiran gidduu jiru akka cimsu sodaatama.Torban kana keessa Tiraamp Pirezidaantii Yukireen Volodymyr Zelensky waliin Mar-a-Lago keessatti wal arganii karoora nagaa qabxii 20 qabu irratti mari’ataniiru. Pirezidaantii Raashiyaa Vilaadmiir Puutiin kan waraana kana furuuf akka gufuutti ilaalaman waliinis bilbilaan dubbataniiru.📖 Kan dubbiisnee fi kan dhageenye irra: