Dubartiin takka marsaa laguu booda yoom ulfaa’uu dandeessi?**************************************Dubartiin mala ittisa ulfaa Nam-tolchee hin fayyadamne takka yeroo itti ulfaa’uu dandeessuu fi dandeenye beekuuf guyyaa laguun isii itti dhuftu ji’a ji’aan galmeeffachuu qabdi. Kun ammoo yeroo itti ulfaa’uu dandeessu sanatti ilmoo argachuuf walqunnamtii saalaa godhuu qabdi moo hin qabduu murteessuuf gargaara. Dubartii fayyaa qabduu marsaan laguu Isii guyyaa 21 hanga 35 turee itti dhufuu danda’a. Marsaan laguu guyyaa olitti tuqame kana irra gabaabbachuus ta’ee dheerachuu hin qabuGuyyaa laguun irra yaa’uu eegalu guyyaa jalqaba marsaa laguu jedhamee fudhatama. Oovuleeshiiniin (Guyyaa killeen itti gad lakkifamtu) guyyaa 14ffaa irra ta’a. Killeen oovaarii irraa gad lakkifamte ujummoo faalooppiyaanii seenuun sanyii kormaa wajjiin yoo wal argatte fartilaayizeeshiiniin gaggeeffamuun ulfi uumama. Kana ta’uu baannaan guyyaa 14 booda laguun deebi’ee dhufa jechuudha. Mala uumamaa fayyadamuun akkamitti yeroo ulfaa’uun danda’amu beeyna?——Mala kana fayyadamuuf mala ittisa ulfaa tokkollee yoo tiqqaate ji’oottan 3n (kiniinaaf) ykn 6n (liilmeef) dabraniif fayyadamuu dhabuu. Dabalataan laguun ji’a ji’aan kan dhuftu ta’uu qabdi.* Guyyaa jalqaba laguun sitti dhuftu guyyaa 1ffaa jettee galmeeffatta. Fkn laguun kee ebla 1 irratti kan sitti dhuftu yoo ta’e, Ebla 1 guyyaa tokkoffaa jettee mallattoo X itti godhatta. * Baatii itti aanuus guyyaa isiin itti sitti dhufte ni galmeessita. Fkn laguun lammaffaa Ebla 29 ffaa irratti kan sitti dhuftu yoo ta’e, guyyaa 28 turtee sitti dhufte jechuudha. * Haaluma kanaan itti fuftee ji’a 6f walitti aansitee galmeessita. Guyyaa gabaabaa laguun kee daddaftee sitti dhufte fi guyyaa dheeraa laguun kee turtee sitti dhufte adda baafatta. Fkn guyyaa gabaaban 28 haa jennuu. Guyyaan dheeraan 31 haa jennuu. Kanaaf guyyaa itti ulfaa’uu dandeessu beekuuf – Guyyaa gabaabaa ta’e irraa 18 hir’ifna. Kana jechuun 28 – 18 = 10 ta’a jechuudha. Kanaaf marsaa laguu ishee irraa eegalee guyyaa 10ffaa irratti ulfaa’uu dandeessi jechuudha.- Guyyaa dhumaa itti ulfaa’uu dandeessuu beekuuf guyyaa dheeraa irraa ammoo 11 hir’ifna. Kana jechuun guyyaan dheeraan 31 waan ta’eef 31-11 = 20 ta’a. Kanaafuu guyyaa 10ffaa marsaa laguu isii irraa eegaltee hanga 20ffatti carraan ulfaa’uu isii ni jira jechuudha. Hub: Guyyaa dubbanne kana hunda keessatti ni ulfooyti jechuu miti. Garuu carraan ulfaa’uu baayyee guddaadha. Walumaagalatti carraaan ulfaa’uu * Guyyaa 1 oovuleeshiinii dura* Guyyaa oovuleeshiinii fi * sa’aatii 24n oovuleeshiinii keessatti haalaan guddaadhaGalatoomaa!!Fayyaa ta’aa, fayyaan faaya!!