Alaabaan Keenya; misiraachoo bara olka’iinsa olaanaa ;tokkummaa biyyaalessaa ,birmadummaafi haaromsa Itoophiyaaf!#Onkoleessa_03/2018#Godina_Baalee Bahaa Aanaa Daawwee Qaachanitti Guyyaan Alaabaa Marsaa18ffaan bakka Hooggansi ,qaamolee nageenyaafi Barattoonni fi Barsiisonni M/barumsa Sad 2ffaa Ifa Boruu argamanitti kabajameera. I/G Waajjira Af-Yaa’ii Aanaa Daawwee Qaachan Kab.Obbo #Huseen_Turkuu fi I/G Paartii Badhaadhinaa Damee Aanaa Daawwee Qaachan Obbo #Adnaan_A/rahmaan wal-duraa duubaan hasaa taasisaniin, biyyootni Addunyaa mallattoo olaanaa birmadummaa biyya isaanii olkaaseemul’isuufi eenyummaa isaanii agarsiisu Alaabaa kan ofi isaanii qabaachuu kan ibsuun,Alaabaan mallattoo eenyummaafi ibsituu waloomaa kabaja olaanaa biyya tokkoo kan bakka bu’uudha jedhan. Kanaaf, Alaabaaf lafeen cabeefi dhiigni lola’ee wareegama itti kaffaluun Alaabaan olka’ee birmadummaa biyyaa kan itti tiikfamu ta’uus ibsaniiru Biyyi keenya Itoophiyaanis biyya guddoo wareegama qaalii kaffaluunbirmadummaan ishee tikfamee Alaabaan ishee lafee goototaa cabeefi dhiiga lola’een olkaafamtee walharkaa fuudhinsa dhalootaan as qaqqabdeedha jedhan. Dhalootni darbe wareegama hadhaawaa kaffaluun aggaammiifi weerara biyyarraa waloon qolachuun injifannoo galmeessuun biyyaafi daangaa biyyaa tiksanii dhaloota har’aa dhaalchisuu himaniiru. Alaabaan Halluufi uffata irraa qofa kanbocame osoo hin taane wareegama kaffalameen masakamee eenyummaa,aadaafi seenaa sabootaan kan hooggonamee waloomaafi obbolummaa kan olkaase, mallattoo olaanaa biyya bakka bu’e ta’us eeraniiru. Dhalootni kunis imaanaa dachaa fudhachuun biyya hundaaf hundaarraafi hundaan ijaaruu irratti akka argamuus Obbo Girmaan yaadachiisaniiru. Dhumarrattis kakuu raawwachuun sirni faaruu Alabaa raawwatameera.