Barreessaan Muummichi Dhaabbata Mootummoota Gamtoomanii Eertiraa fi Itiyoophiyaan Waliigaltee Daangaa akka Kabajan waamicha dhiheessan.OFM:Muddee.13/2025.Antooniyoo Guterees Ollaan Gaanfa Afrikaa mul’ata Nagaa Itti fufiinsa qabuu fi Kabaja Abbaa Biyyummaa fi Tokkummaa Naannoo irra deebi’anii akka mirkaneessan dhaamaniiru.Hogganaan Dhaabbata Mootummoota Gamtoomanii (UN) Jimaata darbe Ertiraa fi Itiyoophiyaan walii galteen waldhabdee biyyoota gaanfa Afrikaa lamaan jidduutti sirnaan xummure waggaa 25ffaa irra deebi’anii akka mirkaneessan dhaamaniiru, waldhabdeen haaromfame naannicha tasgabbii dhabsiisuu akka akka danda’us akeekkachiisaniiru.Har’a waliigaltee Aljeers waggaa 25ffaa dha. Waliigaltichi waliigaltee nagaa seena qabeessa ta’ee fi waldhabdee daangaa Ertiraa fi Itiyoophiyaa jidduutti uumame sirnaan kan xummure yoo ta’u, hariiroo nagaa biyyoota lamaan jidduutti uumamuuf bu’uura murteessaa kan ta’e ta’uu dubbi himaan barreessaa ol’aanaa Dhaabbata Mootummoota Gamtoomanii Antooniyoo Guterees Isteefan Dujaariik himaniiru.Ibsichi waliigalteen kun mala daangaa waliinii daangeessuu uumuuf kan gargaare ta’uu ibsuun, hawaasni addunyaa qajeeltoowwan bu’uuraa abbaa biyyummaa fi qulqullina naannoo biyyoota lamaaniif deeggarsa taasisuu isaa irra deebi’ee kan mirkaneesseedha.Barreessaan Muummichaa yeroo murteessaa kanatti Dhaabbanni Mootummoota Gamtoomanii Waliigaltee Aljeersiif deeggarsa cimaa taasisuu isaa irra deebi’anii kan ibsan yoo ta’u, waggoota torba dura hoggantoonni biyyoota lamaanii ibsa waloo kennaniin, humna marii fi tumsaa kan agarsiisu, nagaaf waadaa isaanii haaromsuu isaanii ibsaniiru.Guterres Eertiraa fi Itiyoophiyaan mul’ata nagaa waaraa fi kabaja abbaa biyyummaa fi qulqullummaa naannoo waliigaltee Aljeers keessatti tumame irra deebi’anii akka mirkaneessan, akkasumas hariiroo ollummaa gaarii ijaaruuf tattaaffii isaanii akka cimsan dhaamaniiru.Barreessaan Muummichi gama lachuus tumsa misoomaa maraaf fayyadamu guddisuuf michoota naannoo fi idil-addunyaa waliin hojjechuu akka itti fufan gaafataniiru.Eertiraa fi Itiyoophiyaan bara 1998-2000 irraa eegalee haala waraanaa keessa jiru. Waraana dhiigaan guutameen namoonni 70,000 hanga 80,000 gama lachuutiin lubbuun isaanii erga darbee booda Waliigalteen Aljeer mallattaa’e.Boodarra Komishiniin Daangaa Idil-addunyaa Baadimmee, bakki waldhabdeen kun itti uumame kan Eertiraa ta’uu murteessus, meeshaalee Itiyoophiyaa baay’ee buufata doonii Asabitti qabamee jiruuf, wayita sanitti Eertiraan beenyaa akka kaffaltu ajajee ture.