GARAA NAMA NYAATA YOO OBSA QABAATTE DUBBISI!================================================== ✍️ Waggaa tokkoo oliif Maatii fi Hiriyoota ishee duraa baddee yaaddoo guddaa keessa galchitee kan turte Haadha Wabii maaltu mudate ??? Itti dhiyaadhaa..Maqaan ishee Burtukaan Mallasaa jedhama. Waggaa lama dura akkuma nama kamiiyyuu hojjettee of jijjiiruuf biyyoota Arabaa keessaa gara biyya #Baharen imalte. Gaafan imalee jedhu maatiin biratti ramadamee hojjedhuu wajjin baay’een waliif galee ijoolleen maatii kanaa illee hedduu na jaallatanii jetti Burteen. Sababa kanaafis miindaa koo yeroon naaf kaffalu baay’ee na kabaju jetti. Haaluma kanaan utuu jirruu ji’a saddeet booda maatiin sun hojiin manichaa nama dabalataa waan barbaachiseef Intala Biyya Filippiinsi tokko fidanii na biratti dabalan. Hojjettuun kun gaafa galtu Maatii fi ijoolleen mana sanaa jaalala guddaa waan naaf qabaniif hinaaffaa hamaa keessa galte; yaaliiwwan jireenya koo miidhan tokko tokkos narratti geggeessuu jalqabde jettiin. Gaaf tokko garuu waan addaa tokkotu na mudate. Innis turtiin Passport kootii waan xumurameef, Hojjechiiftuu (Madam) koo waliin ta’uun gara bakka Passport’n itti haareffamuutti deemnee fuunee deebinee yeroo manatti dhiyaannu Hojjechiiftuun koo sun gara Hojjettuu ishee mana jirtu sanaatti bilbiltee “Ati ijoollee nyaata nyaachisi, Burtukaan immoo dhuftee haa raffiftuu jettee hojiif gara biraatti deemte. Anis mana bira yeroon ga’e gamoo sadaffaa irratti waanan amanuu hin dandeenye tokkon arge jetti. Innis daa’imti waggaa Afurii gamoo Sadaffaa irra dhiigaan makamee ciisa jettiin. Yeroo kana ani fiigee dhaqeen mucaa kana oliif gadi qabee ilaalaa bilbila koo fuudheen hojjechiiftuu (Maadaamii) kootti bilbile jettiin. Yeroo kana edaa Intalli Filippiinsi sun gamoo arfaffaa irra dhaabattee bilbila isheetiin yeroon mucaa qaqqabu viidiyoo na waraabaa turte jetti. Kana gidduutti hojjechiiftuun koo dhuftee waliin mucaa bakka jiruu kaafnee gara Hospitaalaatti geessine. Utuu nuti achi jirruu Intalli manatti hafte sun viidiyoo na waraabaa turte sana Abbaa manaa mana sanaaf ergitee akka waan ani mucaa sana balaaf saaxileetti itti himte. Abbaan manaa ofii isaatii Poolisii dha; Innis Viidiyoo sana fudhatee aarii guddaadhaan guutamee ariitiin gara Hospitaala nuti keessa jirruu dhufee, dhiirri dubartii rukutuun hin eyyamamu waan ta’eef Hojjechiiftuu koo sanatti Viidiyoo sana argisiisee akka waan ani mucaa sana miidheetti ishee hubachiise jetti. Isheenis galagaltee kaballaa hamaa na kabaltee akka isaan ija ishee duraa na fuudhanii deeman dubbatte jetti Burteen. Achumaan gara mana adabaatti na geessan; achittis reebichaa fi dararama tokko tokko narraan ga’aniiru jetti. Sana booda viidiyoo sana ragaa godhachuudhaan hidhaa waggaa kudhanii natti murteessanii na hidhan.Murtiin hidhaa waggaa kudhanii kun gaafa natti murtaa’u filannoowwan lamatu naaf ka’ame jetti Haati Wabii. Waggaa kurnan kana keessatti daa’imni kun yoo duute atis ni ajjeefamta yoo bayyaannattee fayyite garuu waggoota kurnan kee xumurtee baata naan jedhan jetti. Achumatti hidhamee utuun jiruu daa’imni sun xiqqoo akka of baruu taanaan, Poolisootni yakka sana hordofaa turan “Kan si kuffise ishee kana mitii?” jedhanii suura koo yeroo itti argiisan ana akka hin taane dubbate. Dabalataan ani hidhamee ji’a torba booda, hojjettuun daba kana narratti raawwatte sun utuu isheen bilbila isheetiin bilbilaan hiriyoota isheetti haasoftuu Hojjechiiftuun koo sun dhageessi. “Manan galee jiru kana keessatti daa’ima isaanii duraa kuffiseen akka waan mucayyoon lammii Itiyoophiyaa tokko kuffifteetti viidiyoo waraabeen ishee hiisise” jettee dubbatte. Kana irratti Maadaamiin koo sun Macaafa Qulqulluu koo qabattee gara mana adabaa sana dhuftee waan dhageesse sana natti himtee, “Ammas Macaafni ati itti amantu kun yoo ati dhugaa qabaatteef dhugaa kee siif haa baasu!” Naan jettee Macaafa koo naaf kennitee deemte; sana irratti akka lubbuun koo oolu bareen xiqqoo hafuurri natti deebi’e jetti. Kunis akka hojjechiiftuun koo sun qorannoo Intala sanatti cimsitu na gargaare. Hojjettuttiin sunis akka dubbichi gara isheetti adeemu hubachaa waan dhufteef turtii Ji’a Afurii booda qabeenyaa jaraa duraa saamtee manaa baddi. Yeroo kana suura ishee bakkoota adda addaatti maxxansuun Poolisiin barbaadamtee buufata Xiyyaaraatti qabamtee gara buufata Poolisiitti geeffamtee yeroo qoratamtu hinaaffaa irraa kan ka’e daa’ima illee akka miite hunduma isaa dubbatte. Hidhamee turtii waggaa tokkoof ji’a tokkoo booda utuun mana adabaa keessa jiruu, torban darbe keessa na waamanii akkan ba’u natti dubbatan. Maatiin sunis dhufanii dhiifama na gaafatanii gara biyyaatti na geggeessan jetti.Argitanii garraamummaa isheetiin mucaa kufee jiru qabdee utuu du’a ta’ees hammuma kana. Haa ta’u malee Waaqayyo warra isa amanatan gonkumaa hin gatu. Tarii rakkoo adda addaa keessa kan jirtan, waan hin balleessiniin adabamaa kan jirtan, dhugaan keessan dhokatee fakkeessitoonni isin dursaa kan jiran, nama itti iyyattan kan wallaaltan, waan gootan wallaaltanii jireenyi bitaa isinitti galee kan jiru Waaqayyo Abbaa murtii qajeelaa jalaa homtuu hin dhokatu. Guyyaa tokko isinis dhuga baatuu taatuu jabaadhaa jechuun dhaamsa koo xumuraa ti !Maddi :#Qoosa FT IrraaGalatooma!Seenaa kana nomooni dubbistana sher godha!Dubbisii biroo akka sin qaqqaabu namooni barbaadan follow godha!✍️FOLLOW #shere #followers