Bakka hin bulle hin galgaleeffatiin!******************************************Lafa sin madalle, jireenya sin madalle, ilaalchaf karaa sin madalle keessa hin ooliin. Bu’aan bakka hin bulle ooluu bineensoota halkan yaa’aniin weeraramuu fida! Bu’aan jireenya hin barbanne keessa jiraachuu; hiyyummaa, rakkoo, abdi kutannaaf gadda jireenya keessa jooruu dhala.! Har’an jijjirama odoo jettu, qoosaan ati jireenya kee irratti taphattu, gola abdi kee tarsaasa; kanaaf har’uma jijjirama dhugaa jijjiramuuf dammaqi!Laal kunoo;Aduun har’a baate tun arruma seenti; humna ittiin ganama har’aa kana as deebiftus hin qabdu; keessatti gaarii hojjattuus ykn badaa kun dhimma aduu miti! Aduun kaayyoo uummamteef seeraaf haala ajaa’iba ta’een bahachaa jirti; si’aatii 12 guutuu siif iftee, akka keessatti iftee mul’attuuf siif baatee jirti, ati keessatti dukkanooytus, micciramtuus, jijjiramtuus dhimma ishiitii miti! Kufaatii keefis itti gaafatamummaa hin qabdu! Keessatti haala jiruu mijjataa uumtee hojjachuun dalagaa teeti! Dalagaan Aduu siif ifuudha! Kanaaf jireenya jiraachuuf jiraadhu! “Namoonni hunduu ni du’u, namoonni jiraatanii dabran garuu muraasa” jedhe hayyuun tokko! Har’a nuuf dabra jennee odoo mul’ata nu hin ilaallanne keessa naannonnu, barri nuuf dabruu dhiisee nuun dabruu danda’a. Kanaaf har’a jireenya madda gammachuu keenya hin taane keessa ooluu dhiifnee, jireenya gammachuuf fedha keenya dhugaatin kuulame jiraachuuf haa qabsoonnuu! Odoo mul’ata keetif hin jiraatiin aduun jireenyaa sitti hin lixin! Jabaadhuu tattaafadhu! Si caala kan jireenya keetif fiigu hin jiru! Jireenya sin madalle keessa rafuu dhiisi! Michuu jireenya gaarii ta’i! Jireenya si gammachiisurrahuu dabree gammachuu namoota biroof sababa ta’u jiraachuuf carraaqi! Hin dhibaa’iin! Borun jijjirama jettee har’a hin taa’in; keessatti jijjiramuuf guyyaa har’aa caalaa kan sitti siqu hin jiru waan ta’eef!Eeyyee jireenya sin madaalleefii si hin ilaallanne keessa hin oolin.Waan dubbiftaniif galatoomaa!🙏maxxansa mimmiidhagoo akkasii argachuuf Digital Qarree follow godhaa.