🍂#NIQAABA (النقاب)~Hiikkaa Niqaabaa: – Niqaab jechuun uffata fuula haguugu, kan ija qofa mul’isuudha.~Hukmii (Murtii) Isaa:-Murtii Niqaabaa irratti ulamaa’onni ilaalcha adda addaa qabu:-1, Ilaalcha Tokkoffaa (Waajib/Dirqama):- Ulamaa’onni gariin (kan akka warra Mazhaba Hanbalii fi garii Shaafi’iyyaa) Niqaabni dirqama (Waajib) jedhu. Keessattuu yeroo fitnaan (jeequmsi) baay’atu, fuulli dubartii miidhagina guddaa kan qabuu fi fedhii kakaasuu waan danda’uuf, haguuguun dirqama jedhu.● RAGAA :- Aayata Suuraa 《An-Nuur 》keessatti jecha《 “إِلَّا مَا ظَهَرَ مِنْهَا” 》(waan irraa mul’atu malee) jedhu, “uffata alaa kan dirqamaan mul’atu” jedhanii hiiku. Kanaaf fuulli haguugamuu qaba jedhu.~ Akkasumas hadiisa Aa’ishaan gaafa ifkii (sobaan yakkuu) keessatti, “Erga aayanni Hijaabaa bu’ee booda, yeroo Safwaan na arge fuula koo haguuggadhe,” jettee dubbatte ragaa godhatu.2, Ilaalcha Lammaffaa (Mustahabb/Jaallatamaa):- Jumhuurri ulamaa’otaa (warri Mazhaba Hanafii, Maalikii, fi gariin Shaafi’iyyaa) Niqaabni jaallatamaa (Mustahabb) ta’uu isaa, garuu dirqama akka hin taane ibsu.~ Dubartiin fuula ishee banaa gochuu ni dandeessi jedhan yoo fitinaan hin jiraanne.~ Garuu yoo haguuggatte, sadarkaa olaanaa fi irra gaarii (afdal) ta’uu isaa dubbatu.• RAGAA :~ Isaanis aayata 《”إِلَّا مَا ظَهَرَ مِنْهَا”》 (waan irraa mul’atu malee) jedhu, “fuulaafi harka” akka ta’e ragaa godhatu. ~Sababni isaas:- salaata keessattii fi Hajjii keessatti fuulli banaa ta’uun hayyamamaadha. Yoo fuulli awraa (haguugamuu kan qabu) ta’e, ibaadaa guddaa akkasii keessatti banaa hin ta’u ture jedhu.#WALIIGALTEE_GIDDUU_JIRU:~Oduma ilaalchi adda addaa jiraatee iyyuu, ulamaa’onni hundi dhimmoota armaan gadii irratti walii galu:● Hijaabni (qaama guutuu fuulaafi harka malee haguuguun) dirqama.●Niqaabni (fuula haguuguun) yoo jaallatamaa ta’e illee, gocha ibaadaa guddaa fi sadarkaa olaanaa qabuudha.●Yeroo fitnaan (laalchi gadheen) baay’atu, dubartiin fuula ishee haguuguun irra gaariifi of tiiksuuf filatamaadha.GUDUUNFAA :~Hijaabni ajaja Rabbii ifa ta’eedha, kan dubartii Muslimaa kabachiisuufi tiiksuuf dhufe. Niqaabni immoo, odoma murtii isaa irratti ilaalchi adda addaa jiraateeyyuu, sadarkaa iimaanaa fi of-eeggannoo olaanaa agarsiisa. Dubartiin Muslimaa ajaja Rabbii kabajjee, hawaasa ishee keessatti ifa Islaamaa taatee jiraachuun irraa eegama.🍁Mu’ee Islamic oromoo official